Grásleppa

Grásleppa 2022

Matvælaráðuneyti hefur gefið út reglugerð um hrognkelsaveiðar nr. 267/2022 . Skv reglugerðinni eru grásleppuveiðar háðar sérstöku leyfi Fiskistofu. Skip sem hafa til þess réttindi og leyfi til veiða í atvinnuskyni geta sótt um leyfi til grásleppuveiða.

Umsóknir

Sótt er um veiðileyfi til grásleppuveiða í gegnum Ugga umsóknarkerfi Fiskistofu. Þegar sótt er um leyfi skal tekið fram hvenær lagning neta hefst og tekur leyfið gildi þann dag. Taka þarf fram í umsókninni upplýsingar um afla og verðmæti á vertíðinni 2021 og ef að við á þarf að setja í þá reiti 0. Einnig þarf að koma fram í umsókninni fjöldi hrognkelsaneta og teinalengd nets. Á grásleppuvertíð getur bátur einungis haft eitt grásleppuveiðileyfi.

Sækja þarf um fyrir kl. 15:00 á virkum degi ef hefja á veiðar næsta dag eða fyrir kl. 13:30 á föstudegi ef hefja skal veiðar næsta mánudag.

Þegar umsókn um grásleppuveiðileyfi hefur verið samþykkt verður til greiðsluseðill sem birtist í heimabanka umsækjanda.

Leyfið kostar 22.000 kr.

Óski aðili þess að grásleppuveiðileyfi taki gildi næsta virka dag frá móttöku greiðsluseðils er mikilvægt að greiðsluseðlarnir séu greiddir fyrir klukkan 21.00 (bankaafgreiðslutími) daginn áður.
Fari greiðsla fram eftir kl. 21 tekur leyfið ekki gildi fyrr en á öðrum degi frá greiðslunni. Þá tekur leyfi ekki gildi fyrr en næsta þriðjudag fari greiðsla fram eftir kl. 21 á föstudegi.
Fari greiðsla fram um helgi, á almennum frídegi eða eftir kl. 21 á virkum degi tekur leyfið ekki gildi fyrr en á öðrum virkum degi eftir að greiðsla fór fram.